ITAKAPOKUKUTANA

Simba ndume na wambuji, sikizani tatongoa.
naketele vitongoji, na safari za mashua. 

Leo nakumbuka mbiji, ya kutweka na kutua. 

Ai,pato na mpewa, litakapo kukutana
.

Ai, mpewa na pato, lipalo mtu kukuwa.
angawa mwana mtoto, wa kutishika kachewa.
akiwa na upasito, wa kutamani ukiwa.
ai, ndwele na afuwa , itakapokukutana
.

Ai afua na ndwele, kwa mwenye nayo kutusha.
akenda mwendo wa kule, illi kutakawadhisha.
aonapo yatumile, akatamani kushasha.
ai ,ruhu na maisha itakapo kukutana
.

Ai ,maisha na ruhu, yamtumupo kiumbe.
humshukuru Rabbahu, ni mpambo umpembe.
kesho mbele za illahu, swiratwi isimkumbe. 

ai, janna na kiumbe itakapo kukutana
.

Ai,kiumbe na janna,mwanzo asitakiriyo.
na kuuza ihisana tumwi ayaghufiriyo.
apendalo akaona kwa kila atamaniyo.
ai furaha na moyo itakapo kukutana
.

Ai, moyo na furaha alo nayo hunawiri.
na kumuwelea raha apendalo kaamiri.
akiwa mtu maliha, asizagawe ni shari.
ai,udi na ambari itakapo kukutana
.

Ai,ambari na udi. nyoshi za tumwa habibu.
atumiayao abadi, kwandikiwa na thawabu.
tena hunali muradi apendalo likasibu.
ai,fedha na dhahabu, itakapo kukutana
.

Ai,dkhahabu na fedha, vitu vilivyo mfano.
watu hutoa karidha, hapi mwende ile tuno. 

watoao ni baadha, wala si kupa hukuno.
ai ,samli na ngano itakapo kukutana.

Ai, ngano na samli, viliwa vyema hiyari

Vitu viawavyo mbali, Rena na Baunaghari

Apao mwende akali, Mola humjaza kheri

Ai, ziwa na sukari, vitakapo kukutana.

Ai,sukari na ziwa, litialo mtu kondo

Alo na ndwele hupowa,akapata na mwenendo

Akenda kayikutua, kutambaza nguo pindo

Ai,neno na kitendo, vitakapokukutana

Ai, kitendo na neno, la ahadi na ziasi

Lendeapo siku mno, ni haiba ya upasi

Mwenzo mtake kwa sono, hata awe na nafasi

Ai, simba na farasi,watakapokukutana

Ai,farasi na simba, wangiapo kwenda mbio

Hutarakanya marimba,na kukutakuta nyao

Na kunguruma ja mwamba, ukimbile utishao

Ai, mato na chiyoo, vitakapokukutana

Ai, chiyoo na mato, tia nuru takatifu

Hujaalia jisito, baadaye ukashufu

Ni msabaha wa kito, yaakuti masherafu

Ai, pua na harufu, itakapokukutana.

Ai, harufu na pua, zitatanapo tatizi

Na kiumbe kughumiwa ,lolote asimaizi

Wakati wa kutongowa,zamani za kubarizi.

Ai, mkono na kazi, vitakapokukutana

Ai, kazi na mkono, mtenzi asikuliwe

Ndipo awapo mnono, kajikaga unonowe

Na siku ya makindano, asambiwe hata nawe

Ai, makinda na mwewe, yatakapokukutana

Ai, mwewe na makinda, ayaandikapo mato

Angani hachi kupanda, angawa kinda mtoto

Yuu la anga kutunda, kwa mkono wa kushoto

Ai, godoro na mto,litakapokukutana

Ai, mto na godoro, lipendezalo zitangu

Lenye haiba na duru, na haiba ya kizungu

Alipatalo ni faru, yu katika ulimwengu

Ai, kiti na tawangu, vitakapokukutana

Ai, twangu na kiti, cha ng'amba chenyi zikuku

Kina tumba katikati, na pembe huku na huku

Kinga kitakwi kwa uti,ukipatae hushuku

Ai, chuma na sumaku, vitakapokukutana.

Ai, simaku na chuma, zipambanapo fikira

Muungwana ni hudama, na shujaa huwa bora

Hazipatani kalima, siku ya pia kukara

Ai, dira na duwara, vitakapo kukutana.